Sosial Media Marketinqinin (SMM) bütün dünyada sürətli inkişafını, əmək bazarında SMM mütəxəssislərinə getdikcə güclənən tələbatı nəzərə alaraq Azərbaycan gənclərinin bu peşəyə yiyələnməsinə və uğurlu karyera qurmasına dəstək məqsədilə #SMM2018 Business Breakfast layihəsinin icrasına başlanılır.
Artıq 3 ildir ki təşkil olunan #SMM Business Breakfast layihəsi çərçivəsində bu il ABB-nin baş sponsorluğu və ASAN Könüllülük Məktəbinin "ASAN kadr" karyera mərkəzinin təşkilatçılığı ilə gənclər üçün 2 aylıq ödənişsiz SMM təlimi keçiriləcək. Burada ölkənin tanınmış SMM mütəxəssisləri 2 ay ərzində gənc iştirakçılara bu sənətin incəliklərini öyrədəcəklər.
İştirakçılar komanda quruculuğu, brend hekayəsinin yaradılması, SMM biznesi, sosial şəbəkə hesablarının idarə olunması, brendin tanıdılmasının üsul və vasitələri, kontentin hazırlanması, sosial mediada sosial məsuliyyət, KSM layihələri, qrafik dizayn, bank sektorunda ictimaiyyətlə əlaqələr, bank sektorunda rəqəmsal marketinq, vloggerlik, influencer marketinq və s. bu kimi mövzular üzrə bilik və bacarıqlar əldə edəcəklər.
Bundan başqa, gənclərin işgüzar çevrəyə daxil olması, kommunikasiya imkanlarının genişlənməsi üçün onların ayrı-ayrı şirkətlərin rəhbər şəxsləri ilə səhər yeməyində görüşləri də təşkil olunacaq.
“#SMM2018 Business Breakfast” təliminin təşkilinə ABB-nin baş sponsorluğu ilə yanaşı, Alliance Assist Group, Media Balans, Winter Park Hotel də dəstək verəcək.
SMM sahəsinə maraq göstərən hər bir gənc bu keçiddən istifadə edərək təlimə qatıla bilər: smm2018.asankadr.az
Son müraciət tarixi: 12 avqust 2018-ci il, saat: 23.59
