“ABB” Açıq Səhmdar Cəmiyyəti
AÇIQ TENDER ELAN EDİR
Tenderin adı: “ABB” ASC tərəfindən Agile konseptində ofislər üçün mebel avadanlıqlarının, oturacaq və kürsülərin satın alınması
Tenderin elan tarixi: 01.03.2024
Tender 2 lot üzrə keçirilir.
LOT 1: “ABB” ASC tərəfindən Agile konseptində ofislər üçün mebel avadanlıqlarının satın alınması
LOT 2: “ABB” ASC tərəfindən Agile konseptində ofislər üçün oturacaq və kürsülərin satın alınması
Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər.
Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar.
Tenderdə iştirak etmək istəyən şirkətlərin xidmət göstərən sahə üzrə ən azı 3 (üç) il iş fəaliyyəti olması tələb olunur.
Tenderdə iştirak etmək istəyənlər lot üzrə aşağıdakı məbləğdə iştirak haqqını göstərilən hesaba köçürdükdən sonra Azərbaycan dilində tərtib olunmuş əsas şərtlər toplusunu əldə edə bilərlər.
İştirak haqqı:
Lot – 1 üzrə 150 (bir yüz əlli) manat
Lot – 2 üzrə 150 (bir yüz əlli) manat
BANKIN ADI: ABB
VÖEN : 9900001881
KOD: 805250
SWIFT: IBAZAZ2X
M/h: AZ03NABZ01350100000000002944
H/h: AZ12IBAZ34501019440000100100 AZN
H/h: AZ33IBAZ34511018400000100100 USD
İştirak haqqı heç bir halda geri qaytarılmır.
İştirakçılar Azərbaycan dilində tərtib olunmuş əsas şərtlər toplusunu Bakı şəhəri, Nəsimi rayonu, Nizami küçəsi, 67 nömrəli ünvandan (Əlaqələndirici şəxs: Ələkbərli Ülkər, telefon: 012 4930091, daxili 8220, elektron poçt ünvanı: tender@abb-bank.az) ala bilərlər.
Tenderdə iştirak üçün təqdim ediləcək sənədlər:
- tenderdə iştirak etmək üçün yazılı müraciət (ərizə);
- tenderdə iştirak haqqının ödənilməsi barədə bank sənədi;
- tender təklifi (tender zərflərinin açıldığı tarixdən (01 aprel 2024-cü il) sonra azı 30 (otuz) bank günü (yəni ən azı 16 may 2024-cü il tarixinədək) qüvvədə olmalıdır;
- LOT 1 üzrə 5,500.00 (beş min beş yüz) manat (ƏDV daxil) və LOT 2 üzrə 3,500.00 (üç min beş yüz) manat (ƏDV daxil) məbləğində (hər biri üzrə ayrı) bank təminatı (tender təklifinin qüvvədə olma müddətinin sonuncu günündən azı 30 bank günü çox olmalıdır (yəni ən azı 03 iyul 2024-cü il tarixinədək qüvvədə olmalıdır);
- iddiaçının Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin olmaması haqqında müvafiq vergi orqanından arayış;
- iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;
- iddiaçının son bir ildəki (əgər daha az müddət fəaliyyət göstərirsə, bütün fəaliyyəti dövründəki) maliyyə vəziyyəti haqqında bank arayışı;
- iddiaçının tam adı, hüquqi statusu, nizamnaməsi, qeydiyyatdan keçdiyi ölkə və bank rekvizitləri;
- iddiaçının öz mülahizəsinə uyğun digər sənədlər;
- iddiaçı qeyri-rezident olduğu halda qeyri-rezident hesab edilən iddiaçının vergi rezidentliyini müəyyən etmək məqsədi ilə həmin şəxslər vergi rezidentliyini təsdiq edən sənədi (sertifikatı) təqdim etməlidir.
Sənədlər Azərbaycan dilində, 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır).
İddiaçılar tenderdə iştirak etmək üçün yuxarıda göstərilən sənədləri (tender təklifi və bank təminatı istisna olmaqla) 18 mart 2024-cü il saat 17:00-a qədər, tender təklifi və bank təminatını isə möhürlənmiş ikiqat zərflərdə 29 mart 2024-cü il saat 17:00-a qədər Bakı şəhəri, Nəsimi rayonu, Nizami küçəsi, 67 nömrəli ünvana təqdim etməlidirlər.
Göstərilən vaxtdan gec təqdim olunmuş zərflər açılmadan geri qaytarılacaqdır.
İddiaçıların təklifləri 01 aprel 2024-cü il saat 16:00-da LOT 1 üzrə, 16:15-də isə LOT 2 üzrə Bakı şəhəri, Nəsimi rayonu, Nizami küçəsi, 67 nömrəli ünvanda açılacaqdır.
İddiaçıların səlahiyyətli nümayəndələri iştirak edə bilərlər.
İştirak edən nümayəndələr səlahiyyətlərini təsdiq edən sənədi (etibarnamə) mütləq şəkildə təqdim etməlidirlər.
Satınalma Komissiyası
“ABB” ASC tərəfindən podratçıların fəaliyyətinə dair tələblər
Qara və Boz siyahı meyarları
1.1. ABB ilə əməkdaşlıq dövründə podratçının fəaliyyətində qanunvericiliyin pozulması, müqavilə öhdəliklərinin yerinə yetirilməməsi/lazımınca yerinə yetirilməməsi və ya ABB ilə əməkdaşlığa mənfi təsir edəcək bu kimi digər hallar aşkar olunduqda, pozuntuların ağırlığından, mahiyyətindən və digər meyarlardan asılı olaraq podratçının (malgöndərənin) adı ABB tərəfindən “Etibarsız podratçılar (malgöndərənlər) siyahısı”na - “qara siyahı” (“black list”) və ya “boz siyahı”-ya (“grey list”) salına bilər.
1.2. “Qara siyahı” (“black list”)
- Əgər podratçının (malgöndərənin) fəaliyyətində aşağıda göstərilən meyarlar öz əksini taparsa, həmin podratçı (malgöndərən) müddətsiz əsaslarla “qara siyahı”ya daxil edilir və onunla ABB arasında əməkdaşlıq qadağan olunur:
- cinayət yolu ilə əldə edilmiş pul vəsaitlərinin və ya digər əmlakın leqallaşdırılması;
- terrorçuluğun maliyyələşdirilməsi;
- transmilli mütəşəkkil cinayətkarlıq;
- silahlı separatizmin, ekstremizmin və muzdluluğun dəstəkləməsi;
- narkotik vasitələrin, psixotrop maddələrin və ya onların prekursorlarının qanunsuz dövriyyəsində iştirak ehtimalı;
- podratçının (malgöndərənin) maliyyə əməliyyatlarının aparılması zamanı eyniləşdirmə məlumatlarının açıqlanması tələb olunmayan dövlətlərin (ərazilərin) siyahısında yer alması;
- podratçının (malgöndərənin) ümumdünya təşkilatlar və qurumlar tərəfindən qadağalar və sanksiyalara məruz qalması (bu qərar eyni qurumlar tərəfindən ləğv olunmayana qədər);
- podratçının (malgöndərənin) iqtisadi fəaliyyət sahəsində olan cinayət(lər)ə görə məhkum olunması və ya barəsində cinayət-hüquqi tədbirlərin tətbiq olunması;
- podratçının (malgöndərənin) yetkinlik yaşına çatmayan uşaqların əməyindən istifadə etməsi;
- podratçının (malgöndərənin) müasir formada olan qul əməyindən istifadə etməsi;
- podratçının (malgöndərənin) müflis elan olunması;
- podratçının (malgöndərənin) əmlakı üzərinə həbs qoyulması (əmlak həbsdən çıxarılana qədər);
- podratçının (malgöndərənin) ödənişə yönəlmiş girovunun olması;
- podratçının (malgöndərənin) məhkəmənin qərarına əsasən müvafiq fəaliyyətlə məşğul olma hüququndan məhrum edilməsi;
- podratçı (malgöndərən) tərəfindən satınalma prosedurlarında güzəştlərin əldə edilməsi üçün korrupsiyaya səbəb olan stimullaşdırıcı hədiyyələrin, maddi və sair nemətlərin, imtiyazların və ya güzəştlərin qanunsuz olaraq məsul şəxslərə təklif və ya vəd olunması və yaxud verilməsi yolu ilə həmin məsul şəxslərin ələ alınması.
1.3. “Boz siyahı” (“grey list”)
- Əgər podratçının (malgöndərənin) fəaliyyətində aşağıda göstərilən meyarlar öz əksini taparsa, həmin podratçı (malgöndərən) müəyyən və ya qeyri-müəyyən müddət aralığı üçün “boz siyahı”ya daxil edilə bilər və əgər daxil edilərsə, müvafiq müddət ərzində Satınalma Komissiyasının qərarına əsasən onunla əməkdaşlıq dayandırılır:
- müqavilədə göstərilən əsas şərtlərin (ödəniş şərtləri, çatdırılma şərtləri, zəmanət şərtləri və s.) podratçı (malgöndərən) tərəfindən pozulması;
- podratçının (malgöndərənin) ABB-nin seçiminə və ya hər hansı qərarın qəbul olunmasına təsir göstərmək məqsədilə saxtakarlıqla məşğul olmasının müəyyənləşdirilməsi və bunun Satınalma Komissiyası tərəfindən təsdiq edilməsi;
- podratçının (malgöndərənin) vergi borcunun mövcudluğu (cinayət işinə cəlb olunmasa belə);
- podratçının (malgöndərənin) ətraf mühitə zərər verməsi haqqında aidiyyəti dövlət orqanları tərəfindən verilən müvafiq qərarların olması;
- podratçının (malgöndərənin) ABB üçün görüləcək işlər zamanı əmək mühafizəsi qaydalarına riayət etməməsi nəticəsində ABB-nin və ya podratçının (malgöndərənin) əməkdaşının ölümü və ya xəsarət alması;
- ABB-nin imicinə podratçı (malgöndərən) tərəfindən xələl gətirilməsi;
- Podratçı (malgöndərən) tərəfindən konfidensial məlumatların qorunmaması və üçüncü tərəflərə ötürülməsi;
- Podratçı (malgöndərən) tərəfindən maraqların toqquşması halının gizlədilməsi.
Performans dəyərləndirilməsi prosesi
1.4. ABB ilə müqavilə bağlamış podratçının (malgöndərənin) müqavilə öhdəlikləri bitdikdən sonra müqavilə predmeti üzrə ABB tərəfindən performans dəyərləndirilməsi həyata keçirilir. Performans dəyərləndirilməsi prosesi müvafiq satınalma üzrə təhlil və müqavilə imzalanma mərhələsində, o cümlədən müqavilə imzalandıqdan sonrakı mərhələdə şirkətin fəaliyyəti, əməkdaşlıq və müqavilə öhdəliklərini icra etmə səviyyəsi nəzərə alınmaqla icra edilir.
1.5. Müqavilə imzalandıqdan sonrakı mərhələ üzrə dəyərləndirmə
- Malın/işin/xidmətin tələb olunan spesifikasiyaya və keyfiyyətə uyğunluğu
- Şərtlərə uyğun çatdırılma müddəti
- Müqavilə üzrə öhdəliklərin icrası
- İşə məsuliyyətli yanaşma və operativlik
- Yaranan problemlərin çevik şəkildə həll edilməsi
1.6. Satınalmanın təhlili və müqavilə imzalanma mərhələsi üzrə dəyərləndirmə
- Sorğuların operativ cavablandırılması (iddiaçı sənədləri, nümunə, müqavilə)
- Əməkdaşlıq münasibətləri (güzəştlər, hesab açılması)
- Müştəri yönümlü yanaşma (istəklərin qarşılanması)
- Vaxtında təchizat imkanları (təklif təqdim edildiyi zaman)
- Ödəniş şərtləri
1.7. Performans dəyərləndirilməsinin nəticəsi tələb olunan baldan aşağı olduqda, podratçının (malgöndərənın) adı “Etibarsız podratçılar (malgöndərənlər) siyahısı”na daxil edilə bilər.
Satınalma Komissiyası
