Futbol üzrə Dünya Çempionatı dövründə böyük maraqla qarşılanmış “Qollar qazandırır!” kampaniyasının ardınca ABB yeni kampaniyaya start verir. “ABB Play – Master Liqa” adlanan kampaniya 9 sentyabr 2026-cı il
tarixində başlayacaq və 5 iyun 2027-ci ilədək davam edəcək.
“ABB Play – Master Liqa” ABB mobile istifadəçiləri üçün futbol oyunlarının nəticələrini tapmağı gündəlik bank əməliyyatları ilə “gamification” mexanizmində birləşdirir.
Kampaniyaya qoşulan ABB mobile istifadəçiləri futbol oyunlarının nəticələrini taparaq, eyni zamanda ABB-nin müxtəlif məhsul və xidmətlərindən istifadə etməklə qollar toplayacaq və hədiyyələr qazanmaq imkanı əldə edəcəklər. Kredit, kart, ipoteka alışı, DigiTravel, ABB İnvest, Açıq Bankçılıq, DigiDeposit, ödənişlər və digər seçilmiş bank əməliyyatları istifadəçilərə əlavə qollar qazandıracaq.
Kampaniya 4 mərhələdən ibarətdir:
Mərhələ 1: 09.09.2026 – 29.10.2026
Mərhələ 2: 30.10.2026 – 28.12.2026
Mərhələ 3: 29.12.2026 – 01.03.2027
Final: 02.03.2027 – 05.06.2027
Futbol oyunlarının nəticələrini düzgün tapan iştirakçılar da əlavə qollar qazanacaqlar. Dəqiq hesabı tapan istifadəçiyə 10 000 qol, qalibi və ya heç-heçəni düzgün müəyyən edən iştirakçıya isə 4 000 qol
veriləcək. Xüsusi seçilmiş oyunlarda, eləcə də final mərhələsində qollar 2 qat hesablanacaq.
Kampaniyada ABB mobile tətbiqinin istifadəçiləri iştirak edə bilərlər. Qol toplamağa başlamaq üçün əvvəlcə ABB mobile-da kampaniyaya qoşulmaq tələb olunur. Bank əməliyyatlarına görə qollar məhsul və əməliyyat
növündən asılı olaraq birdəfəlik, hər mərhələdə yenidən və ya əməliyyat həcminə uyğun hesablanacaq.
Minlərlə qalib, böyük hədiyyələr Kampaniyanın ilk üç mərhələsinin mükafatları arasında səyahət kuponları, iPhone 17 Pro Max, MacBook Air M5, iPad Air M4, Apple Watch 11, AirPods 4 və keşbeklər yer alır.
Final mərhələsində isə 10 000 qalib mükafatlandırılacaq.
Əsas hədiyyələr sırasında Sea Breeze-də mənzil, avtomobil, 10 000 AZN dəyərində səyahət kuponu, “Apple” cihazları və keşbeklər var.
Beləliklə, “ABB Play – Master Liqa” futbol həyəcanını gündəlik bankçılıq təcrübəsi ilə birləşdirərək istifadəçilərə kampaniya boyunca qol toplamaq, liderlər sırasında yüksəlmək və böyük hədiyyələr qazanmaq imkanı yaradır.