Azərbaycan Respublikasının İpoteka və Kredit Zəmanət Fondunun vəsaiti hesabına verilən güzəştli (MİDA) ipoteka kreditləri

Şərtlər

Məbləğ: 100 000 manatadək

Müddət: 3-30 il

Faiz dərəcəsi: 4%

İlkin ödəniş: Min. 10%

Ödəniş forması: Annuitet

1. Kredit Azərbaycan manatı ilə verilməlidir;
2. Kredit Azərbaycan Respublikasının vətəndaşına verilməlidir;
3. Kreditin son ödəniş tarixinə borcalanın (borcalanların) yaşı qanunvericiliklə müəyyən olunmuş pensiya yaşı həddindən çox olmamalıdır;
4. İpoteka ilə yüklü edilən yaşayış sahəsi Azərbaycan Respublikasının İpoteka və Kredit Zəmanət Fondu tərəfindən təsdiq olunmuş siyahıya daxil olan və onunla əməkdaşlığa dair müqavilə bağlamış müstəqil qiymətləndirici tərəfindən qiymətləndirilməlidir.

Sənədlər

1. Borcalanın (borcalanların) şəxsiyyətini təsdiq edən sənəd və sənədin notarial qaydada təsdiqlənmiş surəti.
2. Borcalan evli olduqda həyat yoldaşının şəxsiyyət vəsiqəsinin və nikahın bağlanması (və ya pozulması, həyat yoldaşının ölüm) haqqında şəhadətnamənin notarial qaydada təsdiqlənmiş surəti.
3. Borcalan subay olduqda V.V.A.Q.-dan subaylıq haqqında arayış və subaylıq ərizəsi.
4. Borcalanla (borcalanlarla) birgə yaşayan yetkinlik yaşına çatmış və yetkinlik yaşına çatmamış ailə üzvlərinin şəxsiyyətini təsdiq edən sənədlərin notarial qaydada təsdiqlənmiş surəti.
5. Borcalanın (borcalanların) ailə tərkibi haqqında arayışı (ASAN xidmətdən).
6. Borcalanın güzəştli kateqoriyaya aid olmasını təsdiq edən sənəd.
7. Borcalanın (borcalanların) əmək müqaviləsi və onun iş yerinin kadrlar idarəsi tərəfindən təsdiq edilmiş əmək kitabçasının surəti. (hər səhifəsi təsdiqlənməlidir).
8. Borcalanın (borcalanların) gəlirlərini təsdiq edən sənədlər (əsas və əgər varsa, əlavə iş yerindən arayış, əmək haqqı kartlarından bank çıxarışları və s.).
9. İpoteka predmetinin qiymətləndirmə aktının əsli.

Borcalan fərdi sahibkar olduqda əlavə olaraq təqdim olunmalı sənədlər

1. Sahibkarın vergi orqanlarında qeydiyyatdan keçməsi haqqında şəhadətnamə (surəti).
2. Vergi orqanları tərəfindən qəbul olunmuş gəlir vergisi və ya sadələşdirilmiş vergi bəyannaməsi.
3. Vergi orqanları tərəfindən son 12 ay ərzində maliyyə göstəriciləri haqqında arayış.

Qaydalar

“Güzəştli mənzil” sistemində elektron kabinetə sahib olan və həmin sistem vasitəsilə mənzili seçən aşağıdakı şəxslərin bu kreditdən istifadə etmək hüququ var:

• Gənc ailənin üzvü olan aşağıdakı şəxslər:

1. 1. Şəhidin övladları;
   2. Azərbaycan Respublikasının Vətən Müharibəsi Qəhrəmanının övladları;
   3. Azərbaycanın Milli Qəhrəmanının övladları;
   4. Məcburi köçkün və ya ona bərabər tutulan şəxs;
   5. Ən azı 3 il dövlət qulluğunda qulluq edən, o cümlədən dövlət qulluğunun xüsusi növündə xidmət keçən şəxs;
   6. Ən azı 3 il dövlət ümumtəhsil müəssisəsində müəllim işləyən şəxs;
   7. Fəlsəfə doktoru elmi dərəcəsi olan şəxs;
   8. İdman sahəsində xüsusi xidmətləri olan şəxs (fəxri bədən tərbiyəsi və idman xadimi, ölkə miqyaslı yarışların qalibi (I yer), beynəlxalq miqyaslı yarışların mükafatçısı (I, II və ya III yer);
   9. Ən azı 5 il jurnalist işləyən və Media Reyestrinə daxil edilmiş şəxs.

• Elmlər doktoru elmi dərəcəsi olan şəxs;
• Ən azı 15 il dövlət qulluğunda qulluq edən şəxs, o cümlədən dövlət qulluğunun xüsusi növündə xidmət keçən şəxs;
• Ən azı 3 il hərbi xidmətdə olan (müddətli həqiqi hərbi xidmətdə olan hərbi qulluqçulardan başqa), həmçinin ehtiyata və istefaya buraxılmış Azərbaycan Respublikasının hərbi qulluqçuları (“Hərbi vəzifə və hərbi xidmət haqqında” Azərbaycan Respublikası Qanununun 41.0.6-cı, 41.0.7-ci, 41.0.8-ci, 41.0.10-cu, 42.0.3-cü, 42.0.4-cü və 42.0.5-ci maddələrində nəzərdə tutulan hallarda ehtiyata və ya istefaya buraxılmış hərbi qulluqçular istisna olmaqla);
• Ən azı 3 il daxili işlər orqanlarında xidmət keçən xüsusi rütbəsi olan şəxs;
• Ən azı 3 il elmi vəzifədə işləyən elmi işçilər;
• Ən azı 15 il dövlət ümumi təhsil müəssisəsində müəllim işləyən şəxs;
• Ən azı 15 il jurnalist işləyən və Media Reyestrinə daxil edilmiş şəxs;
• Şəhid ailəsinin üzvü (əri/arvadı);
• Azərbaycan Respublikasının Vətən Müharibəsi Qəhrəmanı (özü, əri/arvadı);
• Azərbaycanın Milli Qəhrəmanı (özü, əri/arvadı).

Qeyd: Güzəştli ipoteka kreditindən istifadə etmək hüququ olan ailə və ya şəxs bu hüquqdan yalnız bir dəfə istifadə edə bilər.

MİDA ipoteka krediti üçün Yasamal, Səbail, Sumqayıt, Əcəmi, Nizami, Nəsimi, Sabunçu və Gəncə filiallarımıza müraciət edə bilərsiniz.