“bank reklamı” üçün axtarış nəticələri

ABB “Qarabağ” Futbol Klubunun rəsmi tərəfdaşı oldu!

Ölkəmizdə idmanın inkişafına ardıcıl kömək göstərən ABB bu istiqamətdə daha bir addım atıb. Korporativ sosial məsuliyyət siyasəti çərçivəsində Bank “Qarabağ” Futbol Klubunun rəsmi tərəfdaşı olub. ABB Klubun fəaliyyətini dəstəkləyəcək, onun daha böyük uğurlar qazanmasına töhfə verəcək. Tərəfdaşlıq razılaşması ölkəmizdə uşaq futbolunun inkişafına qarşılıqlı köməyi, o cümlədən uşaqlar üçün futbol məktəbinin yaradılması kimi birgə layihələri də əhatə edir. Klubla tərəfdaşlıq ABB brendinin, Bankın məhsul və xidmətlərinin daha da tanınmasına müsbət təsir göstərəcək. “Qarabağ” Futbol Klubu ötən əsrin 50-ci illərindən fəaliyyətdədir. Bu illər ərzində Klub Azərbaycana parlaq qələbələr qazandıraraq futbol tariximizdə bir çox ilklərə imza atıb. Qeyd edək ki, ABB “Qarabağ” Futbol Klubundan başqa, Azərbaycan Boks Federasiyasının, Azərbaycan Voleybol Federasiyasının, Azərbaycan Basketbol Federasiyasının da rəsmi tərəfdaşıdır. ABB-nin öz korporativ sosial məsuliyyət siyasətində idmana xüsusi yer verməsində əsas məqsəd ölkəmizdə idmanın populyarlaşması və kütləviləşməsidir. ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

ABB Miles kartları ilə gələcək səyahətlər üçün indidən millər topla!

Müştərilərin öz nağdsız ödənişlərindən qazanması üçün müxtəlif imkanlar yaradan ABB bu sahədə daha bir yeniliyini təqdim edib. Bank ABB Miles kartlarını müştərilərin istifadəsinə verib. Bu, xüsusilə səyahətsevərlər üçün çox faydalı bir kartdır. Hazırda COVID-19 pandemiyası səbəbindən səyahətlərdə məhdudiyyətlər olsa da, müştərilər ABB Miles kartlarını əldə edərək ödənişlərini onunla aparıb indidən millər toplaya, məhdudiyyətlər götürüləndə isə pulsuz səyahət imkanlarından geniş istifadə edə bilərlər. Bir sözlə, pulsuz səyahət əldə etmək üçün məhdudiyyətlərin götürülməsini gözləməyə gərək yoxdur. ABB Miles kartları ilə indidən mümkün qədər çox mil toplamaq lazımdır ki, məhdudiyyətlər ortadan qalxanda səyahətlər pulsuz başa gəlsin. ABB Miles kartları müştəriyə hər ödənişdən millər qazandırır. Sonra isə toplanmış millər pulsuz təyyarə biletlərinə,yaxud otel rezervasiyalarına dəyişdirilir. Milləri həm ölkəxarici, həm də ölkədaxili səyahətlər zamanı dəyişmək mümkündür. ABB Mileslə toplanmış millər bütün hava yolları şirkətlərində və otellərdə keçərlidir. Hər bir kart sahibi lazımi sayda millər topladıqdan sonra şəxsi kabinetinə daxil olaraq onları istədiyi formada dəyişə bilər. Azərbaycan Beynəlxalq Bankı bu layihəni tərəfdaşı olan MasterCard beynəlxalq ödəniş sistemi ilə birgə həyata keçirir. ABB Miles kartlarının iki növü var: ABB Miles Mastercard World və ABB Miles Mastercard Black Edition. Hər müştəri özünə uyğun kartı seçə bilər. ABB Miles kartı ilə millərin hesablanması qaydası isə belədir: ABB Miles MasterCard World kartı ilə hər 1 manat dəyərində ödənişə görə müştəri ölkə daxilində 1.2, ölkə xaricində 1.6 mil toplayır. ABB Miles MasterCard Black Edition kartı isə hər 1 manat dəyərində ödəniş üzrə müştəriyə ölkə daxilində 1.5 mil, ölkə xaricində 1.8 mil qazandırır. ABB Miles kartının ən böyük üstünlüklərindən biri də budur ki, müştərinin ödəniş dövriyyəsi ilk dəfə 1000 manatı keçdikdə ona avtomatik olaraq 500, ilk 2000 manatı keçdikdə isə 1000 mil birdəfəlik hədiyyə edilir. Millərdən 2 il müddətinə istifadə etmək olar. Kartdan istifadə müddəti 3 ildir. Kartı həm manat, həm dollar, həm də avro hesabında açdırmaq olar. Üstəlik, ABB-nin ATM-lərində ABB Miles kartları ilə nağdlaşdırma zamanı heç bir komissiya haqqı tutulmur. “QayğıCash proqramı” çərçivəsində ABB ilə tərəfdaşlıq edən məkanlarda isə bu kartlarla aparılmış hər ödəniş keşbek faizindən asılı olaraq müştəriyə əlavə millər də gətirir. ABB Miles kartlarını buradan sifariş vermək olar. Qeyd edək ki, Bank ilk dəfə olaraq öz yeni məhsulunun təqdimatını sosial şəbəkələr üzərindən onlayn formatda edib. Müasir dövlət bankı olan ABB-nin məhsul və xidmətləri barədə məlumatları bankın 37 filial və 39 şöbəsindən, www.iba.az internet səhifəsindən, 937 nömrəli Məlumat Mərkəzindən, həmçinin rəsmi “Facebook” səhifəsindən əldə etmək olar.

ABB “Yaşıl dünya” təşəbbüslərinə dəstək olaraq BMT-nin Qlobal Sazişinə qoşuldu

ABB dayanıqlılıq sahəsində təşəbbüslərinin davamı olaraq BMT-nin Qlobal Sazişinə qoşulub. Bu Saziş biznesin sosial məsuliyyətinin təşviq edilməsi və onun dayanıqlı inkişaf prinsiplərinə uyğunluğunu stimullaşdırır. BMT-nin Qlobal Sazişinə üzv olması Bankın Dayanıqlı İnkişaf Məqsədləri (SDG), eləcə də ekoloji, sosial və korporativ idarəetmə sahələrinin (ESG) təşviqini əhatə edir. Beləliklə, ABB Qlobal Sazişin 10 prinsipinə əməl edəcəyini bəyan etmiş olur. Xatırladaq ki, ötən il ABB 2022-ci il üzrə beynəlxalq standartlara uyğun hazırlanmış Dayanıqlı İnkişaf Hesabatını da təqdim edib və dayanıqlılıq istiqamətində fəaliyyətini ictimaiyyətlə paylaşıb. Karbon emissiyasını, kağız, elektrik enerjisi və yanacaq istehlakını azaldıb 2023-cü ildə də ABB yaşıl bankçılıq istiqamətində əhəmiyyətli nəticələr əldə edib. Ötən il müştəri və işçi sayının artmasına baxmayaraq, bankdaxili fəaliyyət nəticəsində ABB ətraf mühitə emissiya olunan karbon qazının həcmini (“Scope 1 & 2”) 5% azaldıb. Beləliklə, ABB karbon emissiyasının həcmini 2023-cü ildə əvvəlki illə müqayisədə hər işçi üzrə 16% azaltmağa nail olub. Eləcə də, 2023-cü ildə ABB bir müştəri üzrə kağız istehlakını 2022-ci illə müqayisədə 28% azaltmağa nail olub. Həmçinin, Bankın bir əməkdaşı üzrə elektrik enerjisi və yanacaq istehlakında da ötən illə müqayisədə müvafiq olaraq 10% və 16% azalma qeydə alınıb. ABB ətraf mühitlə bağlı layihələrini də uğurla davam etdirib. Ekologiya və Təbii Sərvətlər Nazirliyi, eləcə də Visa şirkəti ilə əməkdaşlıq əsasında ölkəmizin ilk ekoloji bank kartı olan TamEco-nu bazara təqdim edib. Bu layihə üzrə ölkə ərazisində 36 000 ağac əkilib. 2023-cü ildə ABB dayanıqlı bankçılığa xidmət edən texnoloji innovasiyaları da geniş tətbiq edib. TamDigi kartının təqdimatı ilə fiziki karta tələb azaldılıb. Rəqəmsal kredit və əmanət məhsullarının təklif olunması ilə fiziki sənəd dövriyyəsinin azaldılmasına zəmin yaradılıb. Qısa müddət ərzində 100 000-dən çox kart plastik və kağız istifadəsi olmadan təqdim edilib. Eləcə də 200 000-dən artıq kredit və 1000-dən çox əmanət müraciəti kağız istifadəsi olmadan tam rəqəmsal formada icra olunub. BMT-nin dayanıqlı inkişaf məqsədlərinə uyğun olaraq gender bərabərliyini qoruyur ABB gender bərabərliyinin qorunmasına və qadınların karyera inkişafına da xüsusi diqqət ayırır. Son illər ərzində Bankda işə götürülən qadın işçilərin sayında əhəmiyyətli artım tendensiyası qeydə alınıb. Nəticədə 2023-cü ildə ABB-də qadın əməkdaşların sayı əvvəlki illə müqayisədə 14% artaraq 1437 nəfərə çatıb. Rəhbər vəzifələrdə çalışan qadınların sayı isə 33% artımla 110 nəfər təşkil edib. KSM layihələri ilə dayanıqlı inkişafa töhfə verir ABB ölkəmizdə təhsilin, idmanın, mədəniyyətin inkişafına dəstək layihələrini də davam etdirməkdədir. 2023-cü ildə ABB Tech Akademiyasının təşkilatçılığı ilə Akademiyanın tələbə və məzunları üçün "Karyera Həftəsi" keçirilib. Bankın müxtəlif ali təhsil müəssisələri ilə tərəfdaşlığı əsasında ayrı-ayrı universitetlərdə də karyera günləri təşkil olunub. İndiyə qədər ABB Tech Akademiyasının 30-dan artıq proqramından 586 nəfər məzun olub. 35%-i ABB-də olmaqla məzunların ümumən 82%-i 130-dan artıq yerli və xarici şirkətdə işə qəbul edilib. ABB tələbələr arasında “TamGənc Basketbol Liqası”na, Təhsilin İnkişafı Forumuna, DOST Agentliyinin Azərbaycan Banklar Assosiasiyası ilə birgə BDU-da fiziki məhdudiyyətli gənclər üçün təşkil etdiyi “Sərhədsiz istedadlar” sərgi-yarmarkasına da dəstək verib. Bank həmçinin Riyaziyyat sahəsində xüsusi istedada malik gənclər üçün Yay Riyaziyyat Düşərgəsi təşkil edib. ABB-nin gələcək inkişaf strategiyasında da dayanıqlılıq mövzusu əsas istiqamətlərdən biri kimi nəzərdə tutulub. Bank bu il Azərbaycanın ev sahibliyi edəcəyi, dayanıqlılıq və iqlim dəyişikliyi üzrə qlobal nüfuzlu tədbir olan COP29-da iştirak perspektivlərini də nəzərdən keçirir. Gələcək planlarının tərkib hissəsi kimi, ABB artıq BMT-nin İqlim Dəyişiklikləri uzrə Çərcivə Konvensiyasının (UNFCCC) maliyyə mexanizmi Yaşıl İqlim Fondu (“Green Climate Fund”) ilə akkreditasiya prosesinə başlayıb. Bu Fondla əməkdaşlıq əsasında yerli bizneslərin dayanıqlı inkişaf istiqamətində təşəbbüslərini maliyyələşdirməyi nəzərdə tutur. ABB yaxın dövrdə karbon kreditlər, dayanıqlı istiqrazlar və kreditlər kimi yaşıl bankçılıq və dayanıqlı maliyyələşmə ilə bağlı bir çox sahələrdə müştərilərə müxtəlif yeniliklərin təklif edilməsi üçün araşdırmalarını davam etdirir. Həmçinin kağız və digər təbii resurlardan istifadəyə qənaət məqsədilə müxtəlif yeni rəqəmsal və fiziki həllərin tətbiqini hədəfləyən layihələrin icrasını planlaşdırır.

ABB bu il rekord məbləğdə, 200 milyon manat dividend ödəyəcək

Bu ilin 7 mayında ABB Səhmdarlarının Ümumi Yığıncağı keçiriləcək. Artıq bununla bağlı bildiriş yayılıb. Yığıncağın gündəliyindəki aktual məsələlərdən biri də səhmdarlara 2024-cü ilin mənfəətindən dividend ödənişi ilə bağlıdır. Bank ötən il uğurla həyata keçirilmiş səhm emissiyasından sonra bu il ilk dəfə olaraq kütləvi sayda, yəni 30 mindən çox səhmdarı ilə öz qazancını bölüşəcək. Bununla bağlı və digər suallarımızı ABB-nin İdarə Heyətinin sədri Abbas İbrahimova ünvanladıq… -Abbas müəllim, ABB 2024-cü ilin mənfəətindən səhmdarlarına nə qədər dividend ödəyəcək? -Bu günlərdə beynəlxalq mühasibat standartlarına əsaslanan maliyyə hesabatımıza kənar auditor rəyi verildi. ABB maliyyə qrupu ili 360 milyon manat məbləğində xalis mənfəətlə başa vurub. Bu nəticələr səhmdarlarımıza hər il olduğu kimi yüksək dividend ödəməyimizə imkan yaradır. Bank menecmenti olaraq biz səhmdarlarımıza 200 milyon manat dividend ödənilməsini təklif etmişik. Yeddi ildir, səhmdarlarımıza ardıcıl şəkildə yüksək dividendlər ödəyirik. Bu il nəzərdə tutulan 200 milyon manatlıq məbləğ isə son yeddi ilin rekord dividend məbləğidir. 7 may tarixində, Səhmdarların Ümumi Yığıncağında bununla bağlı müsbət qərar qəbul edilərsə, ABB-nin hər bir səhminin illik gəlirlilik səviyyəsi nominal qiymətlə 15,6% olacaq. Bu il ilk dəfə olaraq gəlirlərimizi onminlərlə Azərbaycan vətəndaşı ilə bölüşmək komandamız üçün böyük qürurdur. ABB-nin sağlam, mənfəətli, dayanıqlı fəaliyyəti yüzminlərlə insanın həyatına müsbət toxunuş edəcək. -ABB səhmdarları dividend qazanclarını nə zaman əldə edəcəklər? -Səhmdarların Ümumi Yığıncağının müvafiq qərarından sonra qanunvericiliyə uyğun şəkildə ödəniş prosedurlarına başlayacağıq. Dividend gəlirləri səhmdarlarımızın hesablarına köçürüləcək. Düşünürəm ki, Səhmdarların Ümumi Yığıncağından sonra növbəti bir ay ərzində, yəni təxminən bu ilin iyununa qədər hər bir səhmdarımız dividend qazancını əldə edə biləcək. -Son günlər ABB səhmlərinin alqı-satqısında müəyyən canlanma var, səhm qiymətləri də bahalaşır. Bu, nə ilə bağlıdır? -Bəli, son aylar ABB səhmlərinə tələb artmaqdadır. Səhmlərin qiymətində də yüksəlmə var. Bankımızın səhmlərinə marağın artması, çox güman, ABB-nin uğurlu maliyyə göstəriciləri, Banka inamın daha da artması, habelə investorların dividend gözləntisi ilə bağlıdır. Məlumat üçün bildirim ki, 7 may tarixinə qədər ABB səhmi əldə etmiş və aldığı səhmlər həmin tarixədək Milli Depozit Mərkəzinin reyestrinə düşmüş hər bir səhmdarımıza 2024-cü ilin mənfəətindən malik olduğu səhm sayına uyğun dividend ödəniləcək. -Hazırda əhalinin manatla investisiya alətlərinə və depozitlərə marağı necədir? -2024-cü ilin əvvəlindən ABB-də fiziki şəxslərin depozitlərinin həcmi 34% və ya 665 mln. manatdan çox artıb ki, bu artımın da 75%-ni və ya 495 milyon manatdan çox hissəsini milli valyutada olan depozitlər təşkil edir. Dövr ərzində fiziki şəxslərin manatda olan müddətli əmanətlərinin həcmi 89% artaraq 900 mln manatı ötüb. Ölkəmizin bank sektorunda isə son 3 ildə manatla depozitlərin həcmində 67% artım var, manatla əmanətlərimizin həcmi artıq 10 mlrd. manata yaxınlaşır. Bu dövrdə xarici valyutada fiziki şəxslərin əmanətlərinin ümumi portfeldə payı 39.8%-dən 34%-ə qədər azalıb. Bu da onu göstərir ki, əhalinin milli valyutaya inamı getdikcə güclənməkdədir. -Bu inam əsaslıdırmı? Çünki ara-sıra xarici valyutaya tələbin artması da müşahidə edilir. -Ümumən deyərdim ki, son illərdə ölkəmizdə valyuta bazarındakı situasiya sabitdir. Düzgün qeyd edirsiniz ki, bəzi dövrlərdə tələbin artımı müşahidə edilir, amma tələb artımı iqtisadi amillərdən kənar səbəblərə görə olduğundan müvəqqəti xarakter daşıyır. Bəzən iri layihələrin maliyyələşdirilməsi, bəzən də əsassız şayiələr tələbata qısamüddətli təsir göstərir. Bütövlükdə isə xarici valyutaya tələbin artması fundamental amillərlə bağlı olmadığı üçün dayanıqlı deyil. Ölkəmizin valyuta ehtiyatları dayanıqlı şəkildə artır. 2024-cü ilin sonuna strateji valyuta ehtiyatlarımızın həcmi təqribən illik ÜDM-ə bərabər olub. Yalnız son 3 il ərzində Azərbaycanın valyuta ehtiyatları 33.4% və ya 17.8 mlrd. ABŞ dolları artıb. Mövcud ehtiyatlar ölkəmizi gözlənilməz xarici və daxili şoklardan qoruyan təhlükəsizlik yastığı rolunu oynayır. Düşünürəm ki, vətəndaşlarımız manatda həm səhm, istiqraz kimi alətlərə investisiya edə bilərlər, həm də banklarda manatla depozit yerləşdirib yüksək qazanc imkanından faydalana bilərlər. -ABB gələcəkdə dividend siyasətini necə davam etdirməyi planlaşdırır? Səhmdarları nə gözləyir? -ABB olaraq hədəfimiz uzunmüddətli perspektivdə səhmdarlarımızla qazancımızı bölüşməyə davam etməkdir. Bu baxımdan, mənfəətimizin bir hissəsi hər il dividend ödənişlərinə yönələcək. Əlbəttə, Bankın hər zaman sağlam və dayanıqlı maliyyə durumunda olması, strateji inkişaf planlarını həyata keçirə bilməsi üçün adekvat kapitallaşma səviyyəsinin qorunması çox önəmlidir. Biz innovativ və rəqabətqabiliyyətli biznes modelimizlə, səmərəli fəaliyyətimizlə, riskləri optimallaşdıraraq, mənfəətliliyi daim artırmaqla səhmdarlarımızın stabil gəlir əldə etməsini təmin etməyi hədəfləyirik.

Nihat Şenyuva: “ABB-də informasiya texnologiyaları mütəxəssisləri üçün çox uyğun şərait var”

Son dövrlər ABB innovasiyalar sahəsində bir sıra maraqlı layihələr həyata keçirməkdədir. Bank ən yaxşı rəqəmsal təcrübə ilə tanınmağı özünün strateji hədəflərindən elan edib. Bu isə, təbii ki, digər zəruri addımlarla yanaşı, həm də informasiya texnologiyaları sahəsində əsl peşəkarları cəlb etməklə mümkündür. Bankın informasiya texnologiyaları üzrə Baş direktoru Nihat Şenyuva ilə söhbətimiz də elə bu mövzudadır... -Nihat bəy, bildiyimiz qədər, ABB-də rəqəmsal transformasiya prosesləri başlanıb. Bu proses hazırda necə davam etdirilir? -Rəqəmsal transformasiya layihələri bankın peşəkar komandası və bir çox fərqliölkələrdən dəvət edilmiş təcrübəli mütəxəssislərin iştirakı ilə fəal şəkildə icra olunmaqdadır. Bu sahə bank menecmenti üçün əsas prioritetlərdəndir. Proses gündəlik nəzarətdədir. Nəticələr mütəmadi təhlil edilir. Növbəti mərhələlər diqqətlə planlaşdırılır. Ümid edirəm ki, bu istiqamətdə həyata keçirilən davamlı tədbirlər nəticəsində ABB yaxın gələcəkdə ümumən regionun ən rəqəmsal və çevik bankı olacaq. -COVİD-19-dan sonra gələcəyin bankçılığını necə görürsünüz? -Dünyamız rəqəmsallaşma trendləri ilə çox qarışıq, qeyri-müəyyən bir dövrə daxil olub. COVİD-19 isə bu prosesi daha da sürətləndirdi. Yeni dönəmdə qurumları bir-birindən fərqləndirən əsas cəhətlər dəyişən vəziyyətlərə sürətli uyğunlaşma, adekvat davranış bacarıqları olacaq. Bu baxımdan, bank sektoru COVİD-19 dövründə özünü doğrulda bildi, böhran durumlarına ən hazırlıqlı sektorlardan biri kimi göründü. Dəyişən reallıqlara Agile şəkildə adaptasiya oluna bilən, fərqli platforma və ekosistemləri inteqrasiya edərək qüsursuz rəqəmsal müştəri təcrübəsi formalaşdıran banklar fikrimcə, gələcəyə də yön verən biznes subyektləri olacaqlar. Rəqəmsal bankçılıq həlləri, məsafədən xidmət imkanları ilə banklar və müştərilər bundan sonra həm zaman, həm məkan baxımından daha müstəqilləşəcəklər. Biz də bütün bu reallıqları ABB-nin yeni dönəmdəki fəaliyyətində nəzərə alırıq. -Bazar, müştərilər innovativ dəyişikliklərə necə hazırlanmalıdırlar? -Hər hansı innovativ məhsul və xidmətin müştəriyə faydasını sadəcə hiss etdirmək yetər. Müştərilər faydasını gördükləri məhsul və xidmətləri çox sürətli şəkildə həyatlarına daxil edib ondan istifadə etməyə meyllidirlər. Bunu COVİD-19 dövründə də müşahidə etdik. Bir çox sektorlar məhz müştərilərin təcrübəsinə əsaslanaraq bu prosesdə adaptasiya proseslərini sürətlə həyata keçirə bildilər. Onlayn videokonfransların təşkili, pərakəndə satış sahəsində evə çatdırma xidmətinin yayılması, elektron ticarət istiqamətindəki artımlar və s. buna nümunədir. Cəmiyyətdəki müəyyən bir yaş qrupunun rəqəmsal məlumatlılıq səviyyəsi, təcrübəsi artıq yetərincə yüksəkdir. Bu da təbii ki, tələbləri yuksəldir. Fikrimcə, yeni dönəmdə Agile - çevik iş üslubu daha da güclənəcək. Əməkdaşların rəqəmsal iş təcrübəsi artdığı kimi müştərilər də rəqəmsal vərdişlərini inkişaf etdirəcəklər. Pandemiyadan sonra texnoloji yönümlü məhsulların sayı artacaq. Bir sözlə, artıq rəqəmsal çağa keçirik. Hər bir sektorda bu transformasiyanın baş verdiyini görəcəyik. Pərakəndə bankçılıqda, turizm və başqa sektorlarda Uber, Airbnb və s. bu kimi innovasiyalar meydana çıxa bilər. -Belə bir innovativ inkişaf fonunda bu gün ABB-də informasiya texnologiyaları mütəxəssisləri üçün hansı maraqlı yeniliklər baş verir? -Bankda bu sahədə yeni təşkilati struktur formalaşdırılıb: Digital Lab, İnformasiya təhlükəsizliyi və İnformasiya texnologiyaları departamentləri yaradılıb. Development team üçün açıq məkan ofisi istifadəyə verilib. İşçilərin rahatlığı, produktiv işi üçün lazımi şərait yaradılıb. Software Development prosesləri yenidən dizayn edilib. Yeni metodologiyaların və texnologiyaların tətbiqinə başlanıb. Bu ilin əvvəlindən Agile metodologiyası tətbiq edilməkdədir. İl ərzində DevOps təcrübələrinə və alətlərinə start veriləcək. İnformasiya texnologiyaları infrastrukturunun əsaslı modernizasiyası üzrə silsilə layihələr, təşəbbüslər də nəzərdə tutulub. Onu da qeyd edim ki, ötən ilin sentyabrında yaradılmış ABBTech Akademiyasının məzunlarından bir qrupu artıq bankda işə götürülüb. Onlar Core development komandasına uğurla uyğunlaşıblar. Mentorluq proqramları indi də aktiv şəkildə davam etməkdədir. -Bu bankda çalışmağın informasiya texnologiyaları mütəxəssisləri üçün əsas üstünlükləri nələrdir? -İnformasiya texnologiyaları sahəsinə yenicə gələn mütəxəssislər üçün yeni texnologiyalarla işləmək, gənc kollektiv və professional liderlərlə çalışmaq böyük maraq kəsb edir. Əslində, belə dinamik mühitə düşməyin özü inkişaf üçün çox gözəl şansdır. Əminliklə deyə bilərəm ki, ABB-də informasiya texnologiyaları mütəxəssisləri üçün çox uyğun şərait var. Müasir açıq məkan ofisi, rahat iş mühiti, istirahət zonası, şəffaf kommunikasiya, Onboarding mərhələsində və sonrakı dönəmlərdə tam dəstək, gənc və mehriban kollektiv, peşəkar rəhbərlər informasiya texnologiyaları mütəxəssisləri üçün ABB-də çalışmağın əsas üstünlükləri sayıla bilər. -Bankın informasiya texnologiyaları komandası hansı meyarlar əsasında formalaşır? -ABB-də İnformasiya texnologiyaları departamentinin təməli 1995-ci ildə qoyulub. Bu, 25 illik böyük bir təcrübə deməkdir. Komandamız yeniliklərə açıqdır. Yeni texnoloji trendləri izləyən və tətbiq edən fərdlərdən ibarətdir. Bankın İnformasiya texnologiyaları komandası, illərin təcrübəsini, normativ bilikləri, komanda ilə iş bacarıqlarını, mentorluq, liderlik, innovativlik, uzaqgörənlik kimi xüsusiyyətləri iş prosesinə birbaşa inteqrasiya edən menecment komandasının müəyyənləşdirdiyi əsas meyarlar üzrə formalaşır. -Rəqəmsal layihələrə mütəxəssisləri necə cəlb edirsiniz? -ABB-nin həyata keçirdiyi layihələrə mütəxəssislərin marağı böyükdür. Daxil olan müraciətlər əsasında dəyərlərimizə, peşəkar tələblərimizə və planladığımız layihələrə ən uyğun namizədləri seçib, professional bacarıqlarını sınaqdan keçirib, komandamıza cəlb edirik. -Bank bu sahədə daha çox hansı istiqamətlər üzrə mütəxəssislər axtarır? -Proqramçılıq – bura Frontend və Backend aiddir, QA Engineering, QA testing, PL/SQL development, DWH engineering, Data Analysis, iOS developer, DevOps engineering, Scrum Masters, System/Network administration və s. -Kadrların peşəkar inkişafı üçün tədbirlər həyata keçirilir? -Bəli, Onboarding müddətində hər bir yeni işçiyə mentorlar təyin olunur. Onlar, birbaşa əməkdaşların işləri, problemləri və ehtiyacları ilə yaxından maraqlanırlar. Rüblük hesabatlar və qiymətləndirmə də prosesin tərkib hissəsidir. Bütün işçilərin - istər yeni işçilər olsun, istər əvvəlki - bilik və bacarıqlarında aşkarlanan boşluqlar əsasında təlim və kvalifikasiya ehtiyacları müəyyən olunur. Rəhbərlər tərəfindən İnsan resursları departamentinə bununla bağlı müraciətlər təqdim olunur. Bu proses mütəmadi şəkildə icra olunaraq nəzarətdə saxlanılır. İnformasiya texnologiyaları sahəsində çalışan mütəxəssislərimizin layihələrin təqdimatı, vaxtın idarə edilməsi, danışıqların aparılması, komanda işi və s. bu kimi sadə bacarıqlarının inkişafına, biznes biliklərinin artırılmasına da dəstək veririk. Öz potensialını ABB-dəkı bərabər imkanlar mühitində reallaşdırmaq istəyən hər bir informasiya texnologiyaları mütəxəssisi müxtəlif kommunikasiya kanallarımız, o cümlədən LinkedIn və digər sosial şəbəkələrdəki karyera səhifələrimiz vasitəsilə bizə müraciət edə bilərlər. Onlarla şəxsi LinkedIn profilim üzərindən ünsiyyətdən də məmnun olardım.

Tibb işçiləri üçün güzəştlər!

Tibb işçilərimizin fədakar əməyinə hər zaman yüksək dəyər verən ABB 17 İyun Tibb İşçilərinin Peşə Bayramı gününü özünəməxsus tərzdə təbrik edib. Bank bu günə özəl olaraq tibb işçiləri üçün yeni kampaniyaya start verib. Kampaniya çərçivəsində ABB-nin TamKart Mastercard Gold, TamKart Visa Classic və TamKart Mastercard Standard kartları tibb işçilərinə pulsuz təklif edilir. Üstəlik, əməkhaqqını ABB vasitəsilə alan tibb işçilərinə bu kampaniya çərçivəsində TamKart üzrə ən azı 1000 AZN-lik kredit limiti ayrılacaq. TamKartın üstünlükləri, müştərilərə yaratdığı imkanlar haqqında ətraflı məlumatları buradan əldə etmək olar. Kampaniya dövründə tibb işçiləri nağd pul kreditini də ABB-dən 48 ayadək müddətə, 2% güzəştlə, cəmi 18%-dən başlayan faizlərlə, həm də komissiyasız əldə edə bilərlər. 10 000 manata qədər kreditin rəsmiləşdirilməsinə görə onlardan zamin tələb olunmur. 17 iyundan 30 iyunadək davam edən bu kampaniyanın üstünlüklərindən Azərbaycanın hər bir tibb işçisi faydalana bilər. Müasir dövlət bankı olan ABB-nin məhsul və xidmətləri barədə məlumatları bankın 37 filial və 39 şöbəsindən, www.iba.az internet səhifəsindən, 937 nömrəli Məlumat Mərkəzindən, həmçinin rəsmi “Facebook” səhifəsindən əldə etmək olar.

ABB-nin dəstəyi ilə Türkiyədən tibb mütəxəssisləri dəvət olunub

Regionun aparıcı banklarından olan ABB koronavirus pandemiyasına qarşı mübarizə üçün xaricdən ölkəmizə tibb mütəxəssislərinin gətirilməsinə dəstək verir. Bankın maliyyə dəstəyi və İcbari Tibbi Sığorta üzrə Dövlət Agentliyinin təşkilatçılığı ilə ölkəmizdə koronavirus pandemiyasına qarşı mübarizə məqsədilə qardaş Türkiyənin “Acıbadem” xəstəxana və tibb mərkəzləri qrupundan mütəxəssislər cəlb olunub. Türkiyədən dəvət edilmiş həkim və tibb bacıları bu xəstəliyin müalicəsində geniş təcrübə qazanmış peşəkarlardır. Onların gəlişi uzun müddətdən bəri ölkəmizdə koronavirusa qarşı mübarizə aparan yerli tibb işçilərinin fədakar əməyinə dəstək olacaq. Xəstələrin müalicəsində faydalı təcrübə mübadiləsinə imkan verəcək. ABB özünün korporativ sosial məsuliyyət strategiyası çərçivəsində ilk günlərdən koronavirusa qarşı mübarizə tədbirlərinə dəstək olmağa çalışır. Bank Koronavirusla Mübarizəyə Dəstək Fonduna 2 milyon manat məbləğində ianə edib. Pandemiya dövründə həm korporativ, həm də fərdi müştərilərin işini asanlaşdıran, banka gəlmək ehtiyacını aradan qaldıran innovativ həllər təqdim edib. Sahibkarlara bir sıra güzəştlər edib, yeni imkanlar yaradıb. Müasir dövlət bankı olan ABB-nin məhsul və xidmətləri barədə məlumatları bankın 37 filial və 39 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi “Facebook” səhifəsindən əldə etmək olar.

ABB bu il də səhmdarlarına dividend ödəyir

15 sentyabr 2020-ci ildə "ABB" Açıq Səhmdar Cəmiyyətinin Baş ofisində Bankın səhmdarlarının ümumi yığıncağı təşkil edilib. COVİD-19 pandemiyasının yaratdığı məhdudiyyətləri nəzərə alaraq iclas materialları ilə tanışlıq və səhmdarların səsverməsi qiyabi formatda keçirilib. Yığıncaqda "ABB" ASC-nin kənar auditor tərəfindən təsdiqlənmiş və Audit Komitəsi tərəfindən tövsiyə edilmiş 2019-cu il üzrə maliyyə hesabatı təsdiqlənib. Qeyd edək ki, son illərdə həyata keçirilən tədbirlər nəticəsində Bankın kapital mövqeyi, maliyyə dayanıqlığı, mənfəətliliyi təmin edilib. ABB-nin 2019-cu ildə qazandığı mənfəət 2018-ci ildə olduğu kimi ötən il üzrə də səhmdarlara dividend ödəməyə imkan verir. Beləliklə, yığıncaqda 2019-cu ilin maliyyə nəticələrinə əsasən bank səhmdarlarına dividendin ödənilməsi məsələsinə baxılıb. Hər səhm üzrə 0,0326 AZN olmaqla səhmdarlara ötən ilin mənfəətindən 150 milyon manat dividendin ödənilməsi qərara alınıb. Bununla yanaşı, səhmdarlar qiyabi səsvermə əsasında Bankın Nizamnaməsini yeni redaksiyada təsdiqləyiblər. Təqdim edilən materiallarda səhmdarlara Bankın missiya və strateji baxışı barədə də məlumat verilib. Müasir dövlət bankı olan ABB-nin məhsul və xidmətləri barədə məlumatları bankın 37 filial və 39 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

ABB ilk dəfə Şuşada

Şuşa şəhərində ilk dəfə olaraq Azərbaycan bankının ekvayrinq şəbəkəsi ilə nağdsız ödəniş imkanı yaradılıb. Şuşada ilk POS terminalı Azərbaycan Beynəlxalq Bankı quraşdırıb. Bankın POS terminalı Şuşanın azadlığından sonra ilk sahibkarlıq subyekti kimi burada öz filialını açmış AzCake mağazasındadır. POS terminalın istifadəsi yalnız gələcəkdə mülki şəxslərin Şuşaya gəlişində istifadə üçün nəzərdə tutulub. Şəhərdə sahibkarlıq subyektlərinin sayı artdıqca burada Bankın POS terminallarının sayı da artırılacaq. Eyni zamanda Şuşada Bankın bir neçə ATM-i quraşdırılacaq. Yaxın aylarda Şuşa şəhərində Azərbaycan Beynəlxalq Bankının filialının da açılması planlaşdırılır. Xatırladaq ki, Azərbaycan Beynəlxalq Bankı işğaldan azad edilmiş ərazilərimizdə xidmətə başlayan ilk bankdır. Dekabrın əvvəlindən Hadrut qəsəbəsində Bankın ilk ATM-i quraşdırılıb. Ərazilərdə həyata keçiriləcək quruculuq proseslərinə paralel olaraq Bank azad edilmiş bütün rayonlarda öz filiallarını yaradacaq. Bu rayonlarda normal həyat bərpa olunandan sonra doğma yurdlarına dönən sakinlər ilk günlərdən Azərbaycan Beynəlxalq Bankının yerli filiallarının çeşidli məhsul və xidmətlərindən faydalana biləcəklər. Müasir dövlət bankı olan Azərbaycan Beynəlxalq Bankının universal və faydalı məhsul və xidmətləri barədə məlumatları bankın 39 filial və 37 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

Elektron ticarətlə məşğul olanlara Azərbaycan Beynəlxalq Bankından dəstək

Elektron ticarətini quran, eləcə də ABB-nin digər nağdsız ödəniş imkanlarından faydalanan sahibkarların işini asanlaşdırmaq, bizneslərinin inkişafına dəstək olmaq məqsədilə Bank yeni kredit məhsulunu onlara təqdim edib. “E-COM və E-POS Terminal kredit xətti” adlanan kreditdən Bankın POS-terminal, Smart kassa və E-commerce sisteminin bütün istifadəçiləri faydalana bilərlər. Bu kreditin əsas üstünlükləri sərfəli faizləri, rəsmiləşdirmə prosesinin maksimum rahatlığı və operativliyidir. Kreditin rəsmiləşdirilməsi zamanı əlavə maliyyə təhlilinə ehtiyac qalmır. Sahibkarlar ehtiyac duyduqları maliyyə vəsaitini qısa zamanda əldə edə bilirlər. Bu məhsul iş adamlarının dövriyyə kapitalının dəstəklənməsinə xidmət edir. Kreditin özəllikləri: Məbləğ: 5000 AZN-dən 350 000 AZN-dək Müddət: 12 ay İllik faiz dərəcəsi: 12%-dən başlayaraq Təminatsız “E-COM və E-POS Terminal kredit xətti”nin imkanlarından faydalanmaq istəyən sahibkarlar ABB-nin istənilən filialına müraciət edə bilərlər. Kredit barədə əlavə məlumatları buradan öyrənmək mümkündür. Müasir dövlət bankı olan ABB-nin universal və faydalı məhsul və xidmətləri ilə bağlı ətraflı məlumatı bankın filial və şöbələrindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi “Facebook” səhifəsindən əldə etmək olar.